URDULIZKO GAZTE ASANBLADAREN
PROPOSAMENA GAZTE LOKALAREN INGURUAN
1. SARRERA
ETA ASANBLADAREN OINARRIAK
1.1
NORTZUK
GARA ETA ZERGATIK BATU GARA?
1.2
AUTOGESTIOA
1.2.1
ASANBLEARISMOA
1.3
HELBURUAK
2. GAZTE
LOKAL AUTOGESTIONATU BATEN ALDEKO PROIEKTUA
2.1
SARRERA
2.1.1
ELKARLANA
ETA INPLIKAZIOA
2.2
KONPROMEZUA
ETA LOKALAREN KUDEAKETA
2.2.1
BURUTU
BEHARREKO LANA
2.2.2
LOKALAREN
KUDEAKETA
2.2.3
GARBIKETA
LANAK
2.3
TAILERRAK
3. GAZTE
ASANBLADAREN AGURRA
U.G.A.
(URDULIZKO GAZTE ASANBLADA)
1. SARRERA
ETA ASANBLADAREN OINARRIAK
Urdulizko Gazte Asanblada Urdulizko gazteok osatzen dugun gazte taldea edo
asanblada da. Talde honek baditu hainbat helburu eta oinarri aurrerago azalduko
direnak. Gazte asanblada Urdulizko gazteek antolatutako kolektiboa da. Oso kontzeptu
zabala da eta barnean euren artean nahiko ezberdinak diren taldeak sartu ohi
dira. Asanblearismoan oinarritzen da gure barne funtzionamendua eta
autogestioan asanbladaren kudeaketa.
Gazte kolektibo honen helburu nagusiak, gazte problematikaren orokortasunaren
baitan kokatzen dira. Hortaz, Urdulizko Gazte Asanbladaren (U.G.A) lan eremua,
gazteek kolektibo gisa dituzten arazoen zerrenda bezain zabala izan daiteke:
kultura eta aisialdi alternatiboak sortzea, gizarte eskubideengatik
borrokatzea, prekarietatea salatzea, hizkuntza eskubideak, etab. Gazteak bizi
ditugun egoeraren salaketarekin batera, honen aldaketarako alternatibak landuko
ditugu.
Proiektu edo proposamen honen bitartez nahi duguna gazte lokalaren inguruan
zer nolako proiektua aurkeztu nahi dugun azaltzea da, udalarekin elkarlanean
aritzea, errespetu eta askatasun osoz, zer nolako gazte lokala nahi dugun
azaltzeko eta ahal del heinean gure proposamenak aztertu, eztabaidatu eta
kasurik onenean gure proiektua aurrera eramateko ahaleginak egin.
1.1 NORTZUK GARA
ETA ZERGATIK BATU GARA?
Urdulizko Gazte Asanblada osatzen dugun neska-mutilok Urdulizen bizi gara
eta batzea erabaki dugu Udalak asetzen ez dituen beharrak era alternatibo
batean asetzeko asmoz, bai gazteei dagokienez eta baita herri kulturalari
dagokionez ere. Hori lortu ahal izateko hainbat ekintza ludiko-kulturalak
antolatuko ditugu, urte osoko plangintza bat osatuz, horrela ahalik eta
urduliztar gehien parte har dezaten, giro paregabe eta euskaldunean.
Taldeak ez dauka inolako formazio politikorekin zerikusirik, talde askea
da, euskalduna eta autogestionatua, beraz, pertsona bakoitzak daukan ideologia
guztiz errespetatuz, herriari bultzada alternatiboa baino ez da eman nahi.
Euskal Herri osoan zehar gazte asanblada ezberdinak eraturik daude, bakoitzak
bere printzipio eta helburuekin, eta nahiz eta herri bakoitzak autonomia osoz
diharduen, hauen artean badago koordinadora bat harremanak sortzeko,gazte
egunak antolatzeko eta hainbat ekintzetan elkarlanean aritzeko.
Laburbilduz, ez gara kultur elkarte bat. Gure antolatzeko era
asanblearismoan eta autogestioan oinarriturik dago, hurrengo puntuetan xehatuko
dugun bezala.
1.2 AUTOGESTIOA
Autogestioa edo auto-kudeaketa edonolako jardueran jardule edo ekintzaileek
beraiek kudeaketa bere gain hartzeko prozesuari deritzo, autonomia eta
askatasunean oinarrituta eta hori da U.G.Ako kideek egiten dugun apustua.
Honen inguruan mintzatzen garenean, printzipioz taldea autohornitzen dela
esan nahi dugu, instituzioen aldetik inolako laguntza ekonomikorik gabe
ekintzak antolatuko liratekeela, hain zuzen ere. Hala ere, ekintza puntual batzuen aurrean udal eta
Gazte Asanbladaren artean adostasun ekonomikorik egon ezkero, aukera hori ez da
baztertuko.
1.2.1 ASANBLEARISMOA
Horizontaltasun osoan oinarritua
dago, hau da, kide guztiek modu berean hartzen dute parte erabaki eta eztabaida
guztietan. Ez da bozkaketarik egiten, baizik eta eztabaida bat sortzen da
adostasunera iritsi arte; hau da, kide guztiek beren ideiak malgutu edo
eraldatu egiten dituzte asanblada guztia ados dagoen egon arte. Beraz, denon
artean hartzen ditugu erabakiak inor baztertu barik.
Zuzentasuna antolatze eraren
ezaugarri garrantzitsu bat da. Orokorrean asanbladetan ez dago inoren
ordezkaririk, bakoitzak bere ideia defendatzean oinarritutako sistema baita.
1.3 HELBURUAK
·
Urdulizen
herritarren aktibazio soziala pizteko eta euskal kultura bultzatzeko ekintza
kultural eta parte-hartzaileak burutzea.
·
Euskal kulturaren aldeko apustua aurrera
eramatea.
·
Burutzen
ditugun ekintza ludikoetan euskara bultzatzea.
·
Tailer
ezberdinak antolatzea.
·
Urdulizko
gazteen beharrizanak kontuan hartzea eta beraz, asetzea.
·
Eztabaidarako
gunea zabaltzea non herritarrek euren pentsamoldea adierazten duten.
·
Hitzaldiak
antolatzea.
·
Gure
ikuspuntua kontuan hartuz arazo sozialei aurrera egitea.
·
Ideologia
eta estilo ezberdinetako gazteak batzea.
·
Autogestioaren
aldeko apustua burutzea.
·
Gazteon
eskubideak borrokatu.
·
Herriko
jaietan parte hartu jai herrikoiak bultzatuz.
2. GAZTE LOKAL AUTOGESTIONATU BATEN ALDEKO PROIEKTUA
2.1 SARRERA
Urdulizko gazteen elkarte alternatibo moduan egiten
dizuegun proposamena hurrengoa da: gazte
lokal autogestionatu bat eskuratzea udalaren aldetik gazteok bildu ahal
izateko.
Alde batetik, Udalaren aldetik pauso
ikaragarriak ikusi ditugu gazte alorretan, izan ere azkeneko urteotan ezer
gutxi egin baita gai onen inguruan, eta lehen ez bezala, umeei dagokienez,
aurrerapausoak ikusi ditugu baina gazteon inguruan ez. Horregatik Udalak
proposaturiko proiektua lehenik eta behin positibotzat hartu nahi izan dugu.
2.1.1 ELKARLANA ETA INPLIKAZIOA
Elkarlana eskatu duzue gazte
lokalaren sorrera ahalbideratzeko, elkarlana, ideiak proposatzea eta gazteon
inplikazioa, hain zuzen ere, eta horixe bera da proiektu honekin erakutsi nahi
duguna. Urdulizko gazteon (U.G.A) inplikazioa, ideiak bultzatzea, guztion
artean erabakitzea, eta nola ez, garrantzitsuena elkarlana sustatzea da.
Lehen aipatu bezala batzea erabaki
dugun gazteak gara eta Urdulizko gazteria aktibatzeko ahalegina egiten ari gara.
Horregatik, gazte lokalaren sorrera positibotasun handiarekin ikusten dugu,
aukera paregabea iruditzen zaigulako Urdulizen bizi baina bizitza bertan egiten
ez duten gazte guzti horiei bereganatzeko.
2.2 KONPROMEZUA ETA LOKALAREN KUDEAKETA
Gazteei zuzenduriko lokala da,
horregatik gure konpromisoa argia da: gazte lokala guk kudeatzea, lokala
aurrera eramatea eta bertan burutzen diren ekintzen kudeaketa gure esku
geratzea. Gure pentsamoldea honelakoa da: nork gazteak baino hobeto herriko
gazteon betebehar eta nahiak asetzeko? Beraz, gazte guztion elkarlanarekin eta
Udalaren onarpenarekin hauxe izango da gure konpromisoa.
2.2.1 BURUTU BEHARREKO LANA
Egin beharreko lana pisutsua dela
badakigu, asko baitago egiteko, baina ilusioaz lor daiteke, beti era Udalaren
inplikazioarekin eta lehen aipatu bezala konpromiso sutsuarekin.
Horregatik, Urdulizko Gazte Asanbladak aurkezten dizuen proiektu
autogestionatua aurrera joan ezkero, gure lana etengabea izango litzateke,
konstantea eta beraz, egunerokoa. Garbiketari eta instalazioei dagokienez,
hauen antolakuntza eta lana zuzentasunez eta modu garbi eta ordenatuan egingo
genituzke, denon artean ondo eta seriotasunez antolatuz, eta baita dinamika bat
burutuz ere.
2.2.2 LOKALAREN KUDEAKETA
Kudeaketari dagokionez, gure esku
geratzea izango litzateke luzatzen dugun proposamena. Talde lanak bultzatuz
Urdulizko gazteen artean kudeatuz, hain zuzen ere.
2.2.3 GARBIKETA LANAK
Taldeka batuz eta antolatuz, aste
bakoitzean lau bost lagunen artean burutuko genukeen garbiketa lana. Horrela,
hilabete bakoitzean zenbait taldek garbituko lukete lokala. Higieneari
dagokionez, lokala txukuntzeko, talde
lana, errespetu eta lan baloreak lantzeko aukera ere izango genuke, lokala
mantenduz.
2.3 TAILERRAK
Urtean zehar hainbat tailer
antolatzeko asmoa daukagu, adin guztietako Urdulizko herritararrak etor
daitezen. Tailerrak burutzeko urte osoko plangintza bat aurkeztuko genioke
herriari eta hilabetean gutxienez ekintza bat burutuko
genuke.
Tailerren artean, irteerak,
txalaparta, hitzaldiak, pandero ikastaroak … egotea espero dugu.
3. GAZTE
ASANBLADAREN AGURRA
Urdulizko Gazte Asanbladaren proiektu hau aurkezteko ia
denborarik izan ez dugula esatea falta izan zaigu. Izan ere, pasaden ostiralean
izan genuen Udalarekin batzartzeko deialdiaren berri, eta aste eskaz batean
burutu dugu gure proposamena Otsailaren 17rako deiturik dagoen bileran
aurkezteko. Hala ere, proiektuaren mamia zehazteko aukera egongo da denbora
gehiagoko epearekin eta Udalak hala erabakitzen baldin badu.
Bestetik, zuen aldetik gure
proposamenari erantzun bat ematea espero dugu. Nahiz eta guztiz onartua ez
izan, gazte asanbladaren eta udalaren artean akordio batera heltzea espero
dugu. Gazteok dugun nahia (herria piztea, kultura bermatzea eta ekintza
ludikoak antolatzea) erraztasun pixka batekin gazte lokala aurrera eramatea da.
Ilusioz beteriko
urduliztar gazteak gara honen aldeko apustua burutu dugunak eta espero dugu
amets edo ilusio hau zuen laguntzarekin batera lortu ahal izatea.
Aurretik eskerrak emanez eta
erantzunen bat emango diguzuelakoan, zuen erantzunaren zain geratzen gara,
Agur bero bat,
2012KO OTSAILAREN 15EAN
U.G.A. (URDULIZKO GAZTE ASANBLADA)
Proeiktu hau eta burutuko ditugun proiektu guztiak aurrera eroateko, danon laguntza ezinbestekoa izango dogu, beraz, animatu ta parte hartu bilera ta ekintza guztietan.
Mil esker!
No hay comentarios:
Publicar un comentario